2025 жылғы 22 қаңтарда біздің балабақша базасында
«Мектепке дейінгі ұйымдарда инклюзивті білім беру аясында балалармен жұмыс істеудің формалары мен әдістері» тақырыбында облыстық семинар өтті.
Іс-шараны Павлодар облысының білім беруді дамытудың инновациялық орталығы мен
Б. Ахметов атындағы педагогикалық жоғары колледжі бірлесе ұйымдастырды.
Семинар модераторы – Б. Ахметов атындағы педагогикалық жоғары колледжінің арнайы пәндер оқытушысы Марчукова И. А.
Семинарға мектепке дейінгі ұйымдардың, мини-орталықтардың және шағын жинақты мектеп сыныптарының педагогтары, студенттер, сондай-ақ әлеуметтік серіктестер қатысты. Қатысушылар құрамының кеңдігі инклюзивті білім беру мәселесінің өзектілігін және заманауи білім беру кеңістігіндегі маңыздылығын айқын көрсетеді.
Семинардың мақсаты – инклюзивті білім беру идеясын дамыту, тиімді жұмыс формалары мен әдістерімен тәжірибе алмасу, ерекше білім беруді қажет ететін балаларды тәрбиелеу және сүйемелдеу бағытында педагогтердің кәсіби құзыреттіліктерін арттыру.
Іс-шара барысында қатысушылар инклюзивті тәсілдің теориялық және практикалық аспектілерін талқылап, мектепке дейінгі инклюзия саласындағы озат тәжірибе мен заманауи технологиялармен танысты, сондай-ақ кәсіби қызметте қолдануға болатын жаңа білім мен тиімді құралдар алды.
